Хор «Карпаты» го Львові — Петро Когутов

Плеканя і популярызація народного мелосу лемків, як складовой часты загальноукраінской пісенной культуры в Соединенных Штатах Америкы, — основна ціль жіночого вокального ансамблю Лемко Союза «Карпаты» з околиць Нью-Йорка і Нью-Джерзі. Під керуваньом диригента Джанет Фучыли (першый заступник голови Лемко Союза) ансамбль «Карпаты» здобыв почесне місце і широку популярніст серед лемківской громады в Гамериці.


Square
На площі Ринок у Львові

Головне ядро репертуару того ансамблю — лемківскы і американскы народны пісні, творы провідных украінскых, росыйскых, а так само авторів і композиторів зо східноєвропейскых краін.


Ensemble
Перед виступом ансамблю «Карпати»
у Львівському палаці культури залізничників


Ансамбль «Карпаты» в липні того року на запрошыня товариства «Украіна» вперше быв на Украіні. Своє турне він зачав в історичнім місьті Львові (Західна Украіна), в котрім жьіє немало лемків.

По півночы мысленна громада активістів Львівского обласного одділіня товариства «Україна», народной самодіяльной хоровой капелі «Лемковина» хлібом-сольом на вышытім ручнику і букетами жывих квітів стрічали дорогих гостей. Щырі звучали слова витаня. Надзвычайно теплом была стріча з близьком серцю земльом.

Першый концерт гости на Украіні одбывся в палаці культуры львівскых потяговых робітників. Просторный зал ледво поміщав вшыткых бажаючых послухаты гости. Богато люди стояво.

Одкриват ся завіса, і на сцені перед присутніма постає ансамбль «Карпаты» — десят ріжных за віком і фахом жен, котры позбераны в лемківскы вышыванкы. Обєднала їх докупы велика любов до пісні з-під Низкых Бескыдів. Гордо дзвенит єдна з них — «Горы нашы Карпаты». Она несе любов і шану до рідного краю, а скінчат ся словами заповіту предків:


«Не даме вас, горы нашы, Бескиды,
Бо вас дати не казали нашы
діди-прадіди».

Зворушливо прозвучалы іх пісні.


ArchMuseum
Учасниці хору «Карпати» в Музеї
народної архітектури та побуту України



Art Gallery
У Львівській картинній галереї

Ансамбль «Карпаты» выступав в супроводі самодіяльного колєєктиву з Івано-Франківска «Усьмішка» (художній керівник Юрій Фейда). Заслуженый працівник культуры Украіни соліст Михайло Сливоцкий виконав пісні — «Доброго ранку, Батьківщино», «Карпатска ніч», «Пісня про матір», «Сім дощів», «Сьпівают горы», лемківску «Як я поорав» і росыйску «Коробейники».

Скінчыв виступ ансамбль «Карпати» пісньом «Хай щастить вам, люди добрі». Бурхливы тривалы оплескы, безліч жывых квітів засьвідчыли о великом інтересі до американскых гости, іхньой выконавской майстерности.

Народна самодіяльна хорова капела «Лемковина» з селища Рудно тіж присьвятила свій концерт ансамблю «Карпаты». Обидва колективи спільно виконували віночок лемківскых народних пісень.

За час перебываня го Львові учасниці «Карпат» познайомили ся з містом, побывали в театрі оперы і балету, одвиділи музей народной архітектуры і побыту, писателя Івана Франка, украінского мистецтва, художниці Олени Кульчицкой. В палаці урочистых подій виділи обряды шлюбу і реєстрації діти. На відомом Личаківском цвинтарі нима было положено квіти до памятныка «Жертвам Талергофа», на могилу Івана Франка і Маркіяна Шашкевича.

Подальшый шлях ансамблю проліг до Тернополя, до столиці України — Києва, до Канева, де похованый великый украінскый поет Тарас Шевченко, а тіж на Чорне море, до Криму.

Перебываня жіночого вокального ансамблю «Карпаты» в місьті Львові, його усьпішный выступ перед громадскістю — вираз незгасымой любови до землі предків, дружбы між народами Гамерикы і Радянского Союзу.


ПЕТРО КОГУТОВ.



[BACK]