«Памятам Шкільне Вікно...» — П. Стефановский
Памятям
шкільне вікно
на сьвіт
і голос мамы
учытелькы
Ту в Лосю
вела нас
за діточу руку
в будуче
і своі діти
рідны
так вела
аж став ся чуд
великій
гора Кычера
прийшла до Ней
до мамы
нашой вчытелькы
приняла отулила
Маты
учытелька
одышла на ікону
на вікы
а все нас вести буде
за руку
на науку
рідного слова
рідной мовы
А мы
если не камін маме
в грудях
підеме
камінном стежком
до горы
поклонити ся могилі предків
і матери учытельці нашій
бы вічна памят
остала о Ній.

Павло Стефановский



[BACK]