Ivan Rusenko
Иван Русенко
Gypsies87
Не орют, не сіют
А ходят і жыют
От днес до заране
Кто? Нашы цыганы.
Мало робят як голодны
А як сыты теж негодны.
В зимі цыган босо ходит
Студен, мороз му не шкодит
А зас в літі як горячо,
Цыган ся до тіни пряче.
А в колибі, на камінцях
Сідят цыганята
I голодно і холодно
Мерзнут небожата.
Старый цыган грат Чардаша,
Танцуйте же діти,
Мама пішла меже людей
Крульок выпросити.
Розпалили дораз ватру
Діти ся огріли,
Мама пришла, спекла грулькы.
І вечерю зіли.

Иван Русенко


[BACK]