...А ты Анюсь пригадаєш,
Што зме сьміху мали?
Як зме обі едну диню
На тачку клали.
Дыня велька, тачка мала,
То ся превернула,
Хлопы стоят і сміют ся,
А не помагают.
Не сьмійте ся мудрагеле,
А подте помочы,
Увидите, яка тяжка,
Вытріщыте очы.
Дыні велькы, як кобиці,
Огуркы, як дырва.
Ой полечко, ліс дубовый
Серце рве ся до вас.
Назберала кошык яєц,
На бік одставила,
Когут кричыт, сестра ногом
В кошык наступыла.
Ту в кошыку заміст яєц
Яєчннця сьвіжа,
Лем сестриця, привелебна,
Стоіт тай сьміе ся.
Мы з курника, юж без яец,
Хлопы без молока.
Позераме криво на них,
Они на нас тоже.
А вы фрасы, де молоко,
Што-сте з ним зробили,
Нич лем бычків выпустыли,
тай іх погостили.
Ой ты мужу легковажыш,
На што так робити,
Дам ті заран на сьніданя,
Чорну каву пити.
Буде кава без молока,
Хліб без яєчниці,
Бо в кошыку розбродили,
Моі помічниці.
|
Домів ити, юж нам треба,
Треба ся зберати.
Але перше мусьат себе,
Дакус окрасити.
Едиа рукы запачкала,
Деси малинянці,
Друга сьусу опапляла
В курнику і в стайні.
Куры несли яйця такы,
Што два жовткы мали,
Нашы купці і мы самы,
Зме ся чудували.
Біла коза, добра матка.
Принесла троятка,
А корова здивувано
Вродила ближнятка.
Не вірите, мате пікчер,
Посмотте сой сами,
Як сой бычкы підскакуют,
Коло свойой мамы.
Хлопці нашы, міцны рукы,
Сьіно подавали,
А над вечір при вечеріі
Красьні розмовляли.
Не розмовляй, не жалуй ся,
Нашто ся пестити.
Маш ту відро і до стайні
Корову здоіти.
Муж мій смотрит, аж понуро,
Охоты не має,
А на швагрів кліпат оком
і рухом махає.
Пішли хлопці не весело,
Корову доіти,
А мы, сестры, сьпіваючы,
Курчата кормити.
Єдна воду, друга зерно...
Третя яйця зберат,
А когутик, престрашеный,
Сердито позерат.
|
