В Чужыні — Олександер Павлович
Я несчастний в чужом краю,
Як сирота жию я,
Всегда о тобі думаю,
Родная земле моя.

Там, де Бескиди, Карпати,
Там, там моя отчина,
Там жиє мой отець, мати,
Сестри, брати, родина.

Они за мной ся старают,
Як я жию в чужині,
Я за ними воздихаю
І по сто раз в годині.

О родная земле мила,
Размишляю о тебі,
Твоя магнетова сила
Мене тягат ко собі.

Не тішат мня чужі краі,
Іх роскоші, вигоди,
Мні на мислі гори, гаі,
Студничок свіжі води.

Милі мні, мили Бескиды,
Где жиє моє племя,
Там, где жили моі предки,
Там жити хочу і я...




[BACK]