В связи с пробігающом дискуссиом о демократизации нашой общественной жизни розгорілися страсти недругов Православной Церкви, главным образом, тых, кто в свойом часі был привлечен к отвітственности органами чехословацкой юстиции за сотрудничество с гитлеровцами и их прислужниками, бандеровцами. Пользуючися случайом проводимых в житя демократическых начал, они мечут грязь на Православну Церков, рошространяют в народі слухы, што они, мол, были арестованы из-за того, щто отказалися воссоєдинитися с Православном Церквом, што уния, мол, была ликвидирована насилием. Вслідствие того они стараются зобудити ходатайство о єй восстановлении. Так як их утверждение не соотвітствує дійствительности, я рішыл предложити нашей общественности по той справі дакотры роз’яснения.

И так, при россмотрюванию діл Православной Церкви на Пряшевщині слідує мати в виду два совершенно ріжны факты, почти єдночасно мавшых місце на Пряшевщині, а именно:

1. діло епископа Павла Гойдича (см. “Proces proti vlastizradnym biskupom Janovi Vojtaššakovi, Michalovi Buzalkovi, Pavlovi Gojdičovi”. Братислава, 1951. Издание Министерства справедливости) и

2. отміна унии на Пряшевщині (см. “Постановление Собора греко-катлического духовенства и греко-католическых мирян униатской епархии в Пряшеві от 28 апріля 1950 року”. — “Свет Православия”. Пряшев, 1950, № 5, стр. 70).

Я не буду рушати діла епископа Павла Гойдича, так як оно изложено в упомянутой книгі Министерства справедливости. Но неможно не отмінити тот факт, што в связи с процесом епископа Гойдича были привлечены к отвітсвенности всі його сотрудникы. Личный секретарь епископа Павла, о. Борис Туркиняк, напримір, был арештованый уж в тот час, коли он, вособєдинившися с Православном Церквом, был личным секретарьом епископа Алексия (Дехтерева). Слідовательно, о. Борис Туркиняк не мог быти и не был арештованый из-за ликвидации унии на Пряшевщині. И генеральный викарий Пряшевской православной епархии, о. Дезидерий Шудих, был арештованый не из-за ликвидации унии. Значит, арендованы были лем тоты, кто мал отношение к ділу епископа Павла (Гойдича). Тото положение неперемінно слідує мати в виду при россмотрюванию отміны унии на Пряшевщині и не мішати діло епископа Гойдича, осудженого за государственну изміну, с торжественным провозглашением отміны унии в Пряшеві 28 апріля 1950 року.

Ніт сомніния, што Ужгородска уния 1646 или 1649 року была навязана нашому народу насильственно с помочом государственных органов всіх категорий. История свидельствує и о том, што в течение всіх 300 літ уния существовала в Закарпатью лем завдякы державному покровительству и охороні органов народной безопасности. Як лем тота охорона пала, унии уже не стало. Извістно, што наш народ нераз пытался освободитися от унии с Римом. Но всякы попыткы были подавлены органами народной безопасности. Такым образом был остановленый православный рух послі первой мировой войны.

Послі провозглашения отміны Брестской унии 1596 року на Соборі греко-католицкых священников и мирян, состоявшомся 8—9 марца 1946 року во Львові, и Ужгородской унии 1646 року на Чернечой Горі 28 августа 1949 року в день традицийного “отпусту” Успения Пресвятой Богородицы при стечении множества богомольцов со всіх концов Закарпатья, отміна унии на Пряшевщині оказалася неизбіжным нормальным явлением. В прочем, юридически она прекратила своє существование дньом ликвидации Ужгородской унии, на котру навязывалося существование Пряшевской униатской епархии.

Наш народ на Пряшевщині не отставал от своих братов Закарпатья и в церковном отношении. Сразу послі окончания Великой Отечественной войны началося сильне движение віруючих за воссоєдинение с Православном Церквом. Віруючи тых “униятскых” сел, котрых в часі войны обслужували православны священникы (о. архим. Савва в области г. Лаборца, о. архим. Олег на Маковици, в области г. Свидника-Владимировой, о. прот. Алексей Омельянович в области г. Бардиєва и др.), послі войны не хотіли пустити в свои храмы униатскых священников. Православны священникы обслугували “униатов” так долго, покаль органы народной безопасности не заказали им вступати в “униатскы” храмы. При том слідує отмітити, што тоже незавидным было положение православного духовенства и в часі войны, коли жупан “Шаришско-Земилинской жупы” Дудаш роспорядился (секретным циркуляром от 28 января 1943 року, № 726/ІІІ—Ф/1942 ШБ), штобы органы безопасности слідили за діятельностьом православных священников (см. “Свет Православия”. Пряшев, 1948, № І, ст. 3). Як видно, реакцийны силы непрестанно противодійствовали роспространению Православия на Пряшевщині, они пыталися ище и на тот раз спасати унию с помочомі органов народной безопасности. Но тото дійствие уж не произвело особенного влияния на ход діла, остановити движение перехода віруючих в Православие уж не оказалося возможным.

Зараз послі войны в Лаборци началася постройка православного Храма-Памятника русскым воинам, павшым в боях в Карпатах в первой и другой мировых войнах, почетным председателем Комитета по постройкі котрого был генерал Людвик Свобода. На той постройкі робили бригады, в котрых участвовала, главным образом, “униатска” мол одеж. Всі чувствовали себе православными так же, як и их братья в Закарпатью, котры прямо покинули унию и о. Иренею Кондратовичу осталося лем 28 августа 1949 року на Чернечой Горі высокоторжественно провозгласити, што уния исчезла и єй больше ніт.

В сентябрю 1946 року перший раз посітил Пряшевщину Екзарх Московской Патриархии в Чехословакии архиепископ Елевферий. Был он в Пряшеві, Бардийові, Венеции, Лукові, Бехерові, Владимировой, Гуменном, Лаборци и в другых містах и селах. В Бардийові воодушевленно встрітил Владыку Елевферия председатель Окружного Национального Комитета Подгаецкий, в Гуменном — директор русской гимназии Степан Бунганич, в Лаборци — депутат Василий Капишовский. Народ всядиль встрічад Владыку Елевферия хлібом-солью. Доцент Ленинградской духовной академии А. Ф. Шишкин, сопровождавший Владыку Елевферия был несподіваный глубоком віром нашого народа, коли он виділ, што віруючы, просты люде Пряшевщины, клячали на коліна, крестилися, привітствуючи проходившого Владыку Елевферия (см. “Дны духовной радости на Пряшевской Руси”. “Костер”. Прага, 1946, № 7—8, стр. 120).

Православне движение на Пряшевщині из дня в день все больше и больше усилювалося. Коли в августі 1949 року на Буковской Горкі предложили народу присоєдинитися к так называємой “католицкой акции”, подписати акт о присоєдинении к движению прогресивного католического духовенства, вірующы, собравшыся ту на традицийный Преображенский “отпуст”, без всякого колебания категорично заявили; “Ничого не подписуєме, мы не маме ничого общого с католиками!” (см. “Буковска Горка”. — “Правда”. Филадельфия, 1966, № 7). Но недругы Православия робили своє діло. Коли “униаты” сел Снинского округа просили и прямо требовали, штобы послати им православных священников, управляючий ділами Екзархату Московской Патриархии в Прагі Борис Черкес запретил посылати ту православных священников, мотивуючи: “штобы не повредити католицкой акции”. Віруючи были удивлены такым отношением Бориса Черкеса к православному движению.

Высокоторжественно прошла и хиротония Пряшевского православного епископа Алексия (Дехтерева) при многочисленном стечении віручих со всіх концов Пряшевщины, котра состоялася 12 февраля 1950 року в кафедральном храмі св. Александра Невского в Пряшеві. Казалося, тым и кончилося существование унии на Пряшевщині...

Но зато, реакцийны силы видячи всьо тото, пустили в ход всю машинерию езуитскых приемов, штобы остановити православне движение. Началася бішена агитация, под воздійствием котрой сошли с пути даже некотры депутаты. Так, напримір, депутат д-р Иван Рогаль-Илькив ище до хиротонии епископа Алексия останавливает дійствие віруючих, требовавших передачу греко-католицкого храма в Кошицах в пользование православных, депутат Василий Капишовский на собрании Окружного Национального Комитета в Снині заявлят: “Мы не допустиме, штобы в нашых селах роспространялося Православие!” Член ОНК в Снині о. Йосиф Грега был удивлен такым преступным заявлением депутата Василя Капишовского, котрый так радушно встрічал в Лаборци Екзарха Московской Патриархии архиепископа Елевферия. Правда, тото заявление дуже поддержало дійствие реакцийных сил. Сторонникы Ватикана, розъізджаючи по селах, предпринимали всі міры, штобы сбити с дорогы віруючих и остановити православие движение.

В февралю 1950 року приізджат в Чехословакию на торжества Православной Церкви Митрополит Николай. На граници, в Чопі, кромі государственных представителей, встрічают Владыку Николая и депутаты Пряшевщины, д-р Иван Рогаль-Илькив и Василий Капишовский. Митрополит Николай послі окончания торжеств, послі хиротонии епископа Пряшевского Алексия (Дехтерева), возвращатся в Москву, а депутаты д-р Иван Рогаль-Илькив и Василий Капишовский принялися за официальну ликвидацию унии на Пряшевщині. На 28 апріля 1950 року был созваный Собор греко-католицкого духовенства и мирян, на котром было вынесено постановление о отміні унии на Пряшевщині (см. “Конец унии в Чехословакии”. — “Свет Православия”. Пряшев, 1950, № 5, стр. 65—78).

При том слідує отмітити, што в тот самый час началося діло епископа Павла (Гойдича), котрый сіл на лаву подсудных за державну здраду, як сообщат нам книга Министерства справедливости

“Proces proti vlastizradnym biskupom Vojtaššakovi, Buzalkovi, Gojdičovi”.

В связи с тым процесом органы народной безопасности арестовали всіх сотрудников епископа Гойдича. Тото явление весьма неблагоприятно отразилося на дальшом ході ликвидации унии. В народі начали роспространятися слухы, што греко-католическых священников арестуют, потому што не хотят перейти в Православие. Тота зловредна агитация ватиканскых агентов помішала консолидации населения, котре и в теперішньом часі готове вірити, што униатскых священников на самом ділі арестовали из-за ликвидации унии. А тото далеко не так. Як высше мы уж отмітили, личний секретарь епископа Павла (Гойдича), о. Борис Туркиняк, был арештованый уж послі воссоєдинения с Православном Церквьом, а именно товдыль, коли он был уж личным секретарьом епископа Алексия (Дехтерева). Слідовательно, його арештовали за сотрудничество с епископом Павлом, выразившомся в державной здраді, а не из-за ликвидации унии.

Слідує отмітити ище и тото, што унию ликвидировали униаты. Православны долго послі провозглашения отміны унии на Пряшевщині грали ту ролю другостепенну. Я, напримір, як секретарь Епархиального Совіта Пряшевской православной епархии, даже Пряшев должен был покинути ище до ликвидации унии. Послі мойого ухода в епархии стал роспоряжатися депутат д-р Иван Рогаль-Илькив. “Тепер я ту бискуп” — заявил он в епархии. Так под “управлением” того “бискупа” начали вмішуватися в діла Православной Церкви разны реакцийны элементы, дійствие котрых нарушыло нормальный ход діла, консолидации віруючих на Пряшевщині послі ликвидации унии, создало хаос в епархии, в часі котрого реакцийны силы разбазарили миллионный мертвый и живый маєток Пряшевщины, конечно, с відома и согласия пресловутого канцлера Екзархата Московской Патриархии в Чехословакии, Бориса Черкеса, вірно исполнявшего задания д-ра Губа, представителя Чехословацкой церкви, котрый хотіл поглотити Православну Церков в Чехии, д-ра Владимира Екарта, представителя Министерства культов, д-ра Ладислава Голдоша, уполномоченого по церковным ділам, цілью котрого было ликвидовати на Пряшевщині руснаков разом с их греко-католичеством и православием согласно программі Словацкой Лигы, и другых темных антиправославных елементов, стремлением котрых было ликвидовати єдночасно и Православие с його ориентациом на Восток. Так, нераз у мене был конфликт с тым “канцлером”, коли я зас начал принимати участие в ділах Пряшевской епархии послі ухода из ньой “бискупа” д-ра Ивана Рогаля-Илькива. От, напримір, в Пряшеві в присутствии генерального викария Дезидерия Шудиха, Борис Черкес предложил мі подписати акт о отступлении дакотрых участков и домов в Пряшеві так назыв. социалистическому сектору. Я отказался подписати такий документ, доказуючи, што епархия нуждатся в тых участках и зданиях. О. Дезидерий Шудих прямо “смылся” из канцелярии, коли я начал голосный розговор с Борисом Черкесом по том ділу. Теперь в одном с тых домов устроєный Православный богословский факультет, секретарьом котрого был. в один час и Иван Мацынский. Много вреда сділал Православной Церкви Борис Черкес под воздійствием антиправославных елементов, державшых його в функции “канцлера” Православной Церкви в Чехословакии. Свойом погубном діятельностью погубил он и Митрополита Елевферия и самого себе.

В создавшомся под руководством “бискупа” д-ра Ивана Рогаля-Илькива в епархии хаосі некотры воссоєдинившыся священникы начали кривити душом, роспространяти слухы в народі, што они, мол, не воссоєдинилися с Православном Церквом. От, напримір, о. Гавриил Ставровский даже благочинным (деканом) Гавайского благочиния (деканата) был назначеный. Я сам, як исполняющий обовязкы директора канцелярии Пряшевской епархии, выставил йому декрет о назначении благоличным (деканом), котрый был послаиый йому заказным. Он же стал утверджати в народі, што он не перешол в Православие. Конечно, всьо тото он робил по указаниях генерального викария Пряшевской епархии о. Дезидерия Шудиха, котрый перед часом был арестованый в связи с ділом епископа Павла. Правда, к тому придался ище єден инцидент, обративший на него внимание органов юстиции. Коли был в Свиднику президент Антоний Запотоцкий, о. Дезидерий Шудих собрал группу невоссоєдинившыхся униатскых священников, котра явилася у президента Запотоцкого с просыбом о восстановлении унии. При слідствии оказалося, што тота группа нарушала консолидацию населения на Пряшевщині, продолжала проводити антигосударственне, бандеровске движение, финансоване Ватиканом посредством своих агентов в Румынии и Венгрии (см. діло Дезидерия Шудиха).

В часі возникшого хаоса недругы Православия старалися вредити православному движению, где лем могли. Они самовольно захвачали недвижиме церковне имущество, приходскы хозяйственны здания и даже приходскы домы. Містный Национальный Комитет в Воронові, напримір, злоупотребил свойом властном, без відома и согласия церковных органов, построил здание для МНК из материалов, подготовленых для постройкы храма, на місци, где должен был строитися храм. В епархии робилися невіроятны беззакония. Посторонному наблюдателю казалося, што то заговор темных сил всіх мастей против Православия и його ориентации на Восток. Искусственно создалися недорозумления, очевидно, с цілью, штобы потом можно было роспространяти в народі слухы, што унию, мол, ликвидовали насилием. О. Гавриил Ставровский, напримір, продолжительный час дійствовал прямо провокативно.

Тернистым путьом прошла Православна Церков на Пряшевщині. Але, несмотрячи на противодійствия со стороны недругов Православия, она вышла побідительницьом. Свойом кропотливом организацийном роботом она провела консолидацию вірующих, взяла под охорону даже такы историчны памятникы, котры руководителі униатской церкви предали разрушению. Приміром того може послужыти восстановление, генеральный ремонт старинного монастирского храма и часовні на Буковской Горкі, освящение котрого совершыл в августі 1967 року, в день традицийного преображенского “отпуста”, Владыка Николай, епископ Пряшевский. И дійствительно, православны діятелі немало потрудилися на благо Православной Церкви на Пряшевщині. Заміститель министра Государственного управления по церковным ділам д-р Я. Гавелка по праву заявил в февралю 1950 року: “Уж в прошлы рокы труженникы Православной Церкви Пряшевской епархии совершыли велике діло. В тяжкых условиях, с беспримірном жертвенностьом они полагали основания для успішного будущого Церкви и єдночасно с отличным патриотизмом роспространяли в народном середовищу любов к родині и республикі. Діятелі Православной Церкви на ділі указуют, як можно соєдинити подлинне християнство с любовью к родині и чисте, искренне религийне чувство со строительством нового, лучшого общества” (“Свет Православия”. Пряшев, 1950, № 3, стр. 45). Діятелі Православной Церкви на Пряшевщині непереривно идут вперед по єдному и тому же пути, роспространяют мир и любов в народі в сознании, што полне благосостояние лем там, где мир и любов, и недопустимо, штобы настояще положение розвития и укріпления Православной Церкви на Пряшевщині нарушали тоты, кто в дни Великой Отечественной войны измінил свойому народу, віковым традициям Православной Церкви в Закарпатью вообще (см. “Меморандум кат. духовенства” г. Лаборца и його окрестностей о ликвидации Православия на Пряшевщині. — “Свет Православия”. Пряшев, 1948, № І). Демократиом не можут пользуватися государственны преступникы, нарушителі общественного порядку. Было бы весьма недемократично, єсли бы было позволено кому-небудь розпаляти новы религийны бои серед вірующих на Пряшевщині.

И так, в интересі демократизации нашой общественной жизни каждый гражданин должен мати в виду віковы чаяния нашого народа, стремившогося освободитися от унии с Римом, и при россмотрюванию современного положения церковных діл не мішати діло епископа Павла (Гойдича) с отміном унии на Пряшевщині. Уния на Пряшевщині ликвидована законно на полных демократичных началах фактично ище до єй официальной ликвидации, єй уж ніт, 28 апріля 1950 року она окончательно похоронена и ничого пытатися воскрешати єй в тот час, коли цілий христианский світ говорит о воссоєдинении всіх християнскых церквей на подлинных християнскых началах. Православна Церков привітствує именно таке объєдинение, во главі котрого стоял бы Собор предстоятелей всіх помістных християнскых церквей, включительно папы римского. В том направлении повинны бы розвинути свою діятельность и недругы Православия, єсли они рахуют себе християнами. Ну же, общими силами вперед за Православие, за благосостояние віруючих, за объєдинение християн всього світа на подлинных християнскых началах!