Покойны Павели Юстина Мусяла

Вчера вечером из Нью Йорка дошла до нас смутна новина о смерти Павла Мусялы, яка розышлася скоро гев по Лемко-Парку. Так як покойный Павел был членом Лемко-Союза от самых початков його иснования и так он сам, як и його блаженной памяти жена Юстина, яка скоропостижно упокоилася несколько роков тому назад, а за ньом потом также на скоро на удар сердца померла их молода донька Дейзи Сірко. И так в коротком часі в єдной родині попрощалися с нами на вікы самы ліпшы члены и воспомагатели нашой организации. Так Павел, як и його бл. п. жена Юстина завсегда брали живу участь в организацийной роботі, и зато они были широко знаны на Ньюйоркску околицу, а за их веселый характер, дружелюбны и гостеприимны отношения были они всіми улюблены.

Нам незнана єст причина скорой кончины небощика, лем же пару роков тому назад он подупал на здоровью и пролежал довший час в госпиталю на операцию, но тото уж не так важне, бо каждый человік, коли померат, має причину смерти.

Мы гев в большинстві давно бывшы члены отділа Лемко-Союза ч. 10 в Нью Йорку соболізнуєме по утраті нашого члена и брата Павла Мусялу, но так, як нам теперь старшым людям не так легко и удобно выіхати в дальшу дорогу, штобы покойному отдати нашу честь и послідну услугу на погребению, то мы заміст квітов на його гроб, мы рішили зложити свою жертву на пресс-фонд нашой газеты “Карпатска Русь” в честь и вічну память, яко член Л. С. и брата бл. памяти Павла Мусяла. Всего мы собрали 51.00 долларов.

Мы всі выражаме их дітям: Андрею, Насті и Любкі чувственне сожаліние по утраті их дорогых родичов, а Бог най потішит и даст им силы пережити смуток и сохранит в их сердцах честь и любовь на вічную память!