На горі высоко,
Аж попод буками,
Пасла-м коровичкы,
Пасла-м коровичкы,
Разом с овечками.
Коровы ся пасли,
Я их навертала,
Прекрасну співанку
Веселу співанку
Я собі співала.
Паробцы, што долов
На луках косили,
Косы пометали,
В траві полишали,
Домів сприходили.
Паробци, паробци,
Чом вы не косите,
Як вам косы тупы,
Як вам косы тупы,
Чом их не острите.
Паробци мі зараз
Так отповідают:
Косы потуплены,
Але нашы лучкы
Вшиткы покошены.
Мы ку тобі пришли
Бо-з гарді співала,
Свойом співаночком,
Свойом співаночком —
Єс нас прикликала.
|
Мы разом на горі
Начали співати,
Штобы Лемковина,
Наша Лемковина,
Радувалася мати.
Так лемкы в Карпатах
Весоло співали,
Аж ся горы, лісы
Аж ся горы, лісы
Вколо розлігали.
Ягоды и грибы
По горах зберали
Вечером на луках.
Вечером на луках —
Лены пристерали.
Зимом на вечерках,
Як куделі пряли,
Все лемкы в Карпатах
Все лемкы в Карпатах —
Весело співали.
Чом-же теперь лемкы,
Чом-же не співате?
Чого вы ся своих
Гардых співаночок,
Чого ся встыдате?
А я собі співам,
И співати буду,
Я русскы співанкы,
Я тоты прекрасны
Нигда не забуду.
|
