Драма на сцені из народной трагедии Лемков-Карапаторусинов
с участием хора. НАША ЗНИЩЕНА ОТЧИЗНА(Сдраматизована на сцену с хором, поезия “Нашы родны Бескиды”, уложенной в память народной трагедии лемков-русинов, от незаконной акции и насильства польской народной власти, скоро послі освобождения славян, от німецкого фашизма, в 1947 року). (Бесіда, Дідо сам, або представитель отчитує вступне слово, объяснение для публикы): Перед вами на сцені буде изображена живописна поезия, с участием хора. Поезия “Нашы Родны Бескиды”, составлена и уложена в память невіроятной в тых часах злорадной народной трагедии, совершенной насильством воєнной акции, над лемковскым народом в теперішньой Польші. Поезия изображат короткий историчный очерк и характер житья лемков-русинов, и здраматизує в вашых мыслях пережиту ними несчастну трагедию насильного изгнания народа из його родной отчизняной земли, актом незаконно спровокованных обвинений, послі побіды над німецкым фашизмом. Вершы той поезии представлят в вашых мыслях, як бы змалюваны образкы из житья перед вашыми очами. Важно зато єст, штобы тоту поезию часто повторяти, деклямовати и співати, як нашу народну пісню, штобы история нашого народа вошла в память и душу каждого карпаторусина лемка, як старшых так и молодых. Мы должны повторяти свою историю так, як жид єврей, коли молится каждоденно, он в своих мыслях переходит и переживат цілу єврейску историю. Зато они, жиди-євреи сильны духом непобідимы, бо утримуют тверду віру в житья своих предков, в житья свого народа. Так подобно теперь и нам тота народна история в нашой памяти додаст нам силы, віры и вытревалости для нашой побіды за свою народну правду, для привернения законной свободы и волі нашому завсе кривдженному народу, а в том и полну свободну волю всім желающым повернутися из выгнания, на свою родинну, отчизняну землю Лемковщину. От такой нашой віры и вытревалости буде залежати будуща судьба не лем нас самых, але и всего карпаторусского народа. От нашых діл и нашой віры буде рішатися вопрос: ци нам лемкам быти, ци не быти?.... О том, ци мы яко народ будеме жити, або ци мы должны поддатися насильству национализма и так марно погибати, штобы народно пропасти?
Автор.
(Початок инценизованой поемы на стороні 162).
НАШЫ РОДНЫ БЕСКИДЫ(На сцені огонь, кобиця, а кругом группами люде, або хористы. Дідо входит о палиці и начинат до людей перший верш говорит, або співат. Потом гдеякы выбраны вершы, он сам або хор за дідом переспівуют). ДІДО (співат сам):
Дайже Боже счастья, здравья до вашого дому,
Нашым лемкам ліпшой долі, радости каждому. БЕСІДОМ:
Пребачайте вы краяне мні старому діду,
Што так поздно я ту до вас на гостину иду.
Походил я там по горах по нашых Бескидах,
Хожу всядыль кругом світа, тай зашол в колибу,Таж я прецінь вірный лемко от діда прадіда. И вертамся зас до своих, бо где инде пойду?
Не мощный я, уж и старый, посивіл, як дідо,
Походил я кругом світа, поза нашы горы,Нигде инде, лем до своих пхает мене біда. Не узріл там нич доброго, лем біду и горе.
Винуваты и мы сами, свого ся стыдали,
Зато нас не уважали, ни свои, ни чужы,Завсе чужым помагали, наше занедбали. Зато потом звыганяли лемков с власной хижы.
Прото хочу я вам родны дашто росповісти,
Покажу вам пред очами образкы с краины,Историю родной земли, коротко повісти. Пригадам вам нашых предков, о дідах прадідах, Як робили, газдовали на нашых Бескидах. Як то жили давно люде там на Лемковині.
Представлю вам на картинах цілу историю,
Як прежили нашы люде страшну трагедию.
Образочкы и картины треба сохранити,
То образкы драгоцінны, треба затямити,Змалюваны живом кровью, слезами обляты. В вашой душі, сердці, думках, завсе их носити.
Бо то тверда віра в житья нашого народа,
Не мож такой истории повісти с памяти,Для побіды, за свободу родных на Бескидах. Зато мусіл на папері собі записати,
Горьку правду, жаль и кривду хочу вам повісти,
Але мушу собі перше на кобичку сісти.
(Дідо иде ку огню, сідат на кобицю и начинат):
А теперь, вы добры люде, уважно слухайте,
Где єст правда днесь во світі, сами розсуждайте. НАШЫ РОДНЫ БЕСКИДЫ
Ей горы нашы горы, зелены Карпаты,
Никто не знат, не оцінит, кельо Вы в нас вартате! ПРИПІВ:
Заквітали на Бескидах сады, як калина,
Не така днесь, як давно была, родна Лемковина. ДІДО:
Давно были нашы села людьми заселены,
Теперь они опустіли, хижы понищены.
Коли лемкы в селах жили, было дост радости.
Жили лемкы, як родина, бо не мали злобы.Хоц и бідно, не з роскошу, но любви, милости. Єдны другым помагали в біді и потребі.
Выкорчили они крякы, управляли ролю,
Были тогды орны поля, ланы засіяны,Што так гарді выглядала, як гын на Подолю. По дубровам и долинам отавы зелены.
В горных лісах, на полянах выпасали волы.
По гомолях и щобиках стаєнкы-колибы,Сивы сейкы, и барнясты, шаргы круторогы. На паствисках и по жбырах, там стала худоба.
Кругом всядиль на хотарі пастухы співали,
Жили лемкы там в Карпатах от діда-прадіда,Птахы в лісах и по садах, край розвеселяли. Там по горах с обоих сторон зеленых Бескидах.
То потомкы автохтоны от Білохорватов,
Заселяли там Карпаты от поганькой даты. ПРИПІВ:
Жаль и тугу мы носиме за нашу краину,
Бо зранили в саме сердце родну Лемковину.
Бо побіда на Бескидах за народну волю,
Приманила лемкам здраду, народну неволю.
Польска влада нам русинам судьбу вырішила,
Ударил гром з Ясной Горы, як шаркан з Магуры,На выгнанье, лемкам долю, силом накинула. Зберайтеся преч “Русіны”, гын в даль на Мазуры.
Приказ с горы, по неволі, мусіл руснак брати,
Повставали вчас раненько, дивуются люде,Своє майно, яке што мог, на возок складати. Штож за чудо тепер с нами в новой Польші буде?
Такеж дивно не видали, ни мы не чували,
На другий день ище з рана, моц войска пригнали,За свободу боролися, свой край защищали! Штобы лемков с родной землі штыками выгнали.
Зарыдали, отец-мати, діти, вся родина,
Загреміли по Бескидам громы над природом,Коль штыками и кольбами, гонили русинов. Плачут горы, лісы, земля за своим народом.
Закувала зазуленька несчастну новину,
Так выгнали нас сто-тысяч лемковского роду,Як лишали русскы люде родну Лемковину. Кольбом, штыком под конвойом, гнали, як худобу.
Плановали паны с давна лемков выгубити,
Тужат лемкы, пісни снуют о несчастной долі,Штобы там на русской землі слідов не лишити. Яку они получили от польской “сваволі”. ХОР:
Таж мы за тя, родный краю, в борьбі кровь проляли,
Но за нашу вірну дружбу, неволю нам дали.
Кто-же нам даст тепер раду, где глядати правду?
Не буде на світі мира от людского горя,Штобы в Польші привернули народну свободу. Покаль над свободом гнете нацистска неволя. ХОР:
Ой ты люба земле наша, ты нам родна мати,
Днесь за твою горьку судьбу мусиме плакати.
На землю родных Бескидов вандалов пустили,
Штобы нашы русскы села, культуру знищили.
Теперь земля не съорана, кряками заросла,
Ни пташина так не співат, зазуля не кує,Бо ніт газды, ніт порядку, ніт ани чересла. Хыбаль дагде понад жбыры сірый волк завыє.
Осталася коло Дукли лем “Долина Смерти”,
Красуєтся там памятник, в честь их построєнный,На памятку живым людям, а не тым помертым. Павшым борцам за свободу, в ярмі угнетенных. ХОР:
Там у гробах лежат кости борцев за свободу,
Котру паны зрабували нашому народу.
Поверх Карпат, понад горы, сгущаются хмары,
Шаркан приде, бурья знесе, чуму гын на мары.
Коли голос правды знищит ядро наци-чумы,
Но мусиме и мы тепер о то ся старати,Тогды тріснут стіны, двери той народной тюрьмы. Цілом душом, щирым сердцем им допомагати.
Дух народный не загине, ни правда, ни воля,
Нашы лемкы характерны, тверду віру мают,Хоц постигла нашых лемков несчастна недоля. Любят правду и свободу и такой жадают.
Лемкы люде справедливы, за свободу чают,
Бродят теперь по чужині, за крайом бануют,Своє любят и шануют, чуже почитают. Носят они все надію, што ся повертают.
Бо нема на світі мильше, як родна краина,
Предкы нам єй передали, хранити казали,Свои горы, лісы, земля — найблизша родина. Такий найдорозший спадок предкы нам лишили, От них землю и культуру мы одідичили. За нияку ціну в світі дати не казали.
Мы віриме, час настане, што правда воскреснет,
Над Карпаты ясна зорья свободы заблеснет.
Як с Востока над Ротундом зойде ясна зорья,
Як в Карпатах по Бескидах заквітат калина,Вернут дружно горды лемкы, назад из Поморья. Вернут лемкы из выгнания домов на РОДИНУ! ХОР:
Ой ты люба земле наша, наш родимый краю,
Чом так долго нам чекати — свободу не дают!
“НАШЫ РОДНЫ БЕСКИДЫ”
Сдраматизована поезия (декламация, пісня) на сцену, составлена в память несчастной трагедии, от насильства польской акции над лемками, в 1947 году.
Уложил Антон А. Цисляк, 1962.
|