О первом русском книгопечатнику, Ивані Федорові, написано много, дуже много. Сым не меньше до сих пор неизвістно, коли и где он родился, где находился центр його роботы в Москві, где жил во Львові, где поділася його надгробна плыта? Вообще в його житью много тайн.

Подрахунок исследований о Ивані Федорові зводится к слідущым данным: учены относят год його рождения к 1520 г. Москву слідує считати його колыбелью, так як он постоянно величат себе москвитянином. Дост правдиво извістно, што в 1553 г. царь Иван Васильевич приказал построити в Москві дом для печатания книг, но в самом ділі печатня была открыта десять літ позднійше.

В 1564 г. Иваном Федоровым был оконченый “Апостол”, послі появления котрого началися гонения на него. Он должен был уіхати из Москвы, несмотря на покровительство царя и митрополита Макария. Он переселился в Велике Литовске княжество, где його радушно принял приверженец православной віры и русской народности гетман Александр Григорьевич Ходкевич. Он отпустил йому средства на устройство типографии в свойом имінии Заблудові в Білоруссии. Иван Федоров напечатал там в 1568 г. “Учительное евангелие”.

В 1572 г. из Заблудова Иван Федоров переселился во Львов. Што именно заставило його кинути Заблудов, точно неизвістно. Віроятно, послі Люблинской Унии 1569 года, напор иезуитов на старого гетмана усилился до того, што он остыл к ділу, котре вначалі горячо поддержувал.

Во Львові Иван Федоров напечатал в 1574 г. “Апостол”, похожий на московске издание. Тота книга появилася при содійствии гдекотрых больше отзывчивых и сознательных львовскых горожан, особенно Семена Седлара.

Вошовши в большы долгы, Иван Федоров отдал под залог свои станкы и книгы єврею Израилю Якубовичу, а сам отправился на Волынь глядати счастья и нашол його у большого покровителя родной наукы и культуры, у Константина Константиновича князя Островского. За його грошы он напечатал в Острогі в 1581 г. знамениту “Библию”, щедевр русского печатного искусства. Накопивши гдеякий запас грошей, Иван Федоров вернулся во Львов, где думал продолжати начате діло. Измученый, єднак, трудами, умер 6 декабря 1583 г. в нищеті на предмістью гор. Львова.

Вот таке в коротці житья єдкого из замічательнійшых тружеников ХѴІ ст.

Имя Ивана Федорова на Галицкой Руси долгий час было под забороном. Його боялися тут, яко схизматика-еретика. В послідны часы, накануні Другой Світовой войны, украинекы самостійникы всіми способами желали перекрестити його на “Хведоровича”. В вопросі о Ивані Федорові треба подчеркнути слідующы моменты:

1) несмотря на то, што книгы на древеславянском языку появилися в Кракові в 1491 г. Феоля Швейпольта и в чешской Прагі в 1517 году — Георгия Франца Скорины, все-такой Иван Федоров — первый русский книгопечатник. Оба вышеназванны печатникы працували за границом Руси, а Иван Федоров печатал исключительно на Русской землі: в Москві, Заблудові, Львові и Острогі.

2) Иван Федоров всяды, кады його кинула судьба, оставался русскым человіком, сознательно и с гордостью величаючи себе москвитянином. Слідує отмітити, што в период житья Ивана Федорова ище не было национального розмежевания русскых, білоруссов и украинцев, як теперь.

3) Иван Федоров из Москвы пошол в Литву, властиво сказати в Білу Русь, потому, што она находилася в найблизшом сусідстві с Московском державом. Там он мог среди єдиновірцов и єдиноплеменных своих братьев продолжати своє діло. На його переселение в Білорусию в жадном случаю не повлияли економичны ціли, неоспоримым доказательством чого являтся то, што он отказался от села, котре йому предложил в подарок гетман Ходкевич.

4) За затрату надгробной плиты на могилі Ивана Федорова несе отвітственность Клементий Сарницкий, игумен Васильянского ордена. Яко профессор университета, он знал, што таку річь, цінну для культуры, треба было припрятати в музей. Но он не сділал того зато, што фанатизм униатскых васильян был не меньший, чым у иезуитов. Як лем русскы учены и археолога (Погодин, Уваров) стали интересоватися плитом Ивана Федорова, плита пропала.

5) Необходимо докопатися до тлінных останков Ивана Федорова, котры почивают в ограді монастыря св. Онуфрия, под новопристроєнным притвором по ул. Богдана Хмельницкого. Возможно, што в його могилі находится што-то таке, што кине світ на правдивость останков Ивана Федорова: Книга, клыше, буква.

6) Ци было во Львові книгопечатание до Ивана Федорова, трудно сказати. Несомнінно отголоскы нового вынахода Иоанна Гутенберга долітали до Львова, и може быти, была даже проба завести типографию, но на том и кончилася. Діло печатания было закинене и занедбано, и лем Иван Федоров возобновил його.

Всьо наслідие Ивана Федорова перешло к Ставропегийскому братству при Успенском храмі. В його музею сохранилися слідующы річы Ивана Федорова:

1) книга “Апостол”, Москва, 1564 г.

2) книга “Апостол”, Львов, 1753 г.

3) книга “Библия”, Острог, 1583 г.

4) Портрет Ивана Федорова на мідной пластинкі с подписью художника Степана Ивановича Томасевича, 1904 г., віроятно, Томасевич обновил старый портрет.

5) Два типограскы станкы периода Ивана Федорова. Оба дубовы, покрашены в чорный цвіт. Пресса несомнінно старша печатного станка. Тоты станкы слідує внимательно исслідовати.

6) Даскілька клише из дерева, ХѴІІ ст. И то єст всьо наслідие Ивана Федорова!

Што необходимо сділати для возвеличения памяти первого русского книгопечатника во Львові?

Передовсім нобходимо придбати для Львова копию зліпка в натуральну величину с могильной плиты Ивана Федорова, котру сділал во Львові Уваров и подарил його Археологичному обществу в Москві.

2. В ограді Онуфриевского монастыря, где покоятся останкы Ивана Федорова, необходимо сділати могилу, а на Доминиканской площади воздвигнути йому памятник, хоц бы по модели С. М. Волнухина.

Литература о Ивані Федорові в теперішный час дуже многочисленна. Отмітиме тут лем труды самых галицкых исслідователей.

Д. С. ЗУБРИЦКИЙ. О славяно-русскых типографиях в Галиции и Владимирии. Журнал Министерства народного просвіщения, Сайт Петербург, 1838, ч. ХІХ.

А. С. ПЕТРУШЕВИЧ. О началі книгопечатания на Руси вообще и в г. Львові в особенности. Львов, 1883.

В. М. ПЛОЩАНСКИЙ. — Празднование 300-літной годовщины смерти Ивана Федоровича, первого русского книгопечатника во Львові, “Слово”, Львов, 1883, №№ 139, 140.

О. А. РУСЛАВ. Трехстолітня годовщина кончины Ивана Федорова, первого русского печатника. “Слово”, Львов, 1883, № 132.

О. А. МОНЧАЛОВСКИЙ. Краткий обзор истории книгопечатания на Руси, “Бесіда”, Львов, 1892.

А. С. КРЫЛОВСКИЙ. Львовске Ставропегиальне братство. Києв, 1904.

И. С. СВЕНЦИЦКИЙ. Початкы книгопечатания на землях Украины. Жовква, 1924.

С. Ю. БЕНДАСЮК. Иван Федоров — общерусский первопечатник. Львов, 1936.