Дармо Вы Мя Мамцьо (Мушинска співанка)

Гей, дармо вы мя, мамцьо, до школы давате,
С мене нич не буде, дармо накладате.
С мене нич не буде, ани поп ни пастор,
Бо бы-м от олтаря за дівчатми патрил.
Не лем от олтаря, але с казальниці,
Бо єм ся залюбил в сельской парадници.
Бодай ты, корчмичка, горе с дымом пошла,
Же моя миленька на танец не пошла.
Ани мі не грайте, ани не співайте,
Лем мі мою милу до танцу зъіднайте.
Грают в корчмі, грают, аж корчмиско дуднит,
А моя миленька впала мі до студні.
Гудакы не грайте, ани не співайте,
Лем мі мою милу зо студні достанте.
Як не достанете, я жити не хочу,
За свойом миленьком, тіж до студні скочу.



[BACK]