5-рочна артистка “Тини-Джин” Беслер.

Имя того интеллигентного дівчате, котрого фотографии тут видите — Тини-Джин Белсер. То внучка нашых краянов и добрых членов Лемко-Союза в Кливланд, Огайо, Михаила Сипляк, из Святківкы, и Пелагии, из роду Балаш, из Вышовадкы, Ясельского повіта, на Лемковині.

Тини-Джин довершат теперь пятый рок свого молодого житья, но она уже извістна в цілом городі Кливланді и поза його преділами. Причина широкой извістности той молодой дівчины, то вроджена интеллигенция и дар до бесіды, співу и до танцев. Она почала деклямувати стишкы, ладно співати и профессионально танцувати ище тогды, коли єй было несполна три рокы. На тоты способности свого дівчате звернули увагу родиче, особливо єй мати Мария, котра додавала охоты и руководства спохватливому таланту Тини-Джин. И так на третом року свого житья Тини почала выступати с декламациями, співом и танцами в школьных и благотворительных аудиториях для американской публикы.

На сцені Лемк. Нар. Дому в Кливланді Тини-Джин исполняє “теп-денс” на представлении “Лемковскы Спроси- ны", в февралі 1950 року.

Нашым лемкам в Кливланді, она стала извістна 7 мая 1949 року, в навечерие Материнского Дня. Тогды она выступила на громадном предприятии на сцені Лемковского Народного Дома. Свою маленьку ляльку, котру она колысала на своих ручках, Тини-Джин поучувала о любви до матери. Она наказувала, што мама, хоц часом погнівана, хоц накричит и набье свою дітину, то она и так найдорожша єсть для дітины, бо она єй мама.

Другий раз перед лемковском публиком Тини-Джин выступала на предприятии “Лемковскы Спросины”, 28 февраля 1950 року. Тогды она співала и танцувала американский “теп-денс” и в товаристві такого-же маленького хлопця, Андрея Н. Цисляка, танцувала “козачка”. Выступление было надзвычай удачне, и публика не могла выйти от удивления на розвиты способности молодого житья.

Маленьку Тини-Джин часто можете видіти на телевизии, як выступят со стишками, співом и танцами с кливландскых телевизийных станций.

Молодой лемковской звіздочкі Тини-Джин жичиме успішного розвитая таланта и світлой будучности.

Посмотте ище раз в лице той молодой дівчины. Она готова сейчас всипити с вами в бесіду.

На яку тему?

На яку хочете.