Потребны особливы слова, штобы говорити о значению нашой побіды над гитлеровском Германном. Слова тоты повинны быти ясны и глубокы, просты и способны потрясти душу. Часом здаєся, што язык не в стані выразити чувства, котры мы переживаме: мысль бессильна охватити всьо величие происходящого. Явление тото понятно. Таж мы — свідкы и участники грандиознійшых событий, котры с подавляючом силом воздійствуют на наше восприятие.

Пройдут рокы, може быти десятилітия. И тогды, находячись в отдалению от событий нынішних дней, зможут люде отдати собі полный и ясный отчет в их всесвітно историчном значению. Ище больше очевидным стане для всіх, што побіда наша над розбойничым гитлеровскым империализмом — поворотный пункт в истории людства и што явилась она закономірным етапом на том тысячелітнем пути, котрым шествовал русский народ-богатырь от свойой колыбели к вершинам всесвітной славы.

Уж первы крокы русского народа предвіщали будуче величие России. Не случайно основоположникы марксизма Києвску державу наименовали “державом Рюриковичей”; недаром страшилась ладей Києвской Руси горда Византия; от губительной силы русских копий и стріл біжали назад пажерны кочовникы; рукы русскых княжен добивалися владыкы могучых держав Европы; папский Рим просил русского князя о помочи крестоносцам в их поході против невірных. И, ставши твердыньом на пути “из варяг в греки”, Києв — мать городов русскых — закладувал основы самобытной русской державности, общественности, культуры.

В свойом дальнійшом рості русский народ перемагал феодальну роздробленность и отстоювал свободу и независимость свойой земли от покушений наіздников с востока и запада.

В “Слові о полку Игореві” воспіта героична борьба Руси с “погаными” — половцами. В битвах на Неві и в злой січі на Чудском озері русскы воины-богатыри нанесли сокрушны удары шведам и німцам. Нелегко Руси было справитися с татарами. Но Москва, ставши сердцем русской державы, объєдинила вколо себе силы народа русского; операючись на них, она освободила русску землю от монгольского ига и преградила азиатскым ордам дорогу, к тучным пажитям и богатым городам Западной Европы.

Не лем найблизшы сусіде Москвы, но и больше отдалены державы Европы чувствували все возростаюче могущество Руси. Германский император, римский папа, послы и купцы Венеции стремятся зыскати приязнь московскых государей. Иван III уж величат себе царем. Он возлагат на себе шапку Мономаха, як наслідие византийского єдинодержавия. Принцесса из рода Палеологов становится супругом московоского великого князя. На Руси родится горделива мысль о Москві, як о третьом Римі.

Русский народ не лем вюл оборонительну войну, защищаючи свою свободу и независимость и охраняючи западну цивилизацию от азиатскых варваров. В свойом могучем рості он роздвигал преділы державы Российской, присоєдиняючи к ним новы, жизненно необходимы земли с населявшыми их народностями. Покорение Казани, Астрахани и Западной Сибири; побудование засічной обороны против крымских татар на южном краю Московской державы; героична борьба за Ливонию и за выход к Балтийскому морю як пути к цивилизованому світу Запада, — такы найважнійшы віхы, котрыми зазначены часы Ивана ІѴ. Найбольший из строителей Московской державы, он заложил на востокі Европы основы огромной многонацинальной державы. Полтора віка позднійше, перемогши самозванщину, розгромивши вооруженный наізд панской Польшу, отбивши нападение шведов, воссоєдинивши земли Украины, — она стане могучом Российском империом.

За час ище полтора столітий империя тота буде выситися твердыньом над европейскым материком. Самы грозны завоюватели — от Карла XII до Наполеона I — будут повергнути ниц воинском силом России и гением єй полководцов — Петра, Суворова, Кутузова. Самы беспокойны сусіде — Турция и Польша — примушены будут смиритися перед силом российского колосса и искусством його дипломатии. Духовны властители Запада — Лейбниц, Вольтер, Гримм, Дидро будут дивитися, видячи, якыми великанскыми кроками шествує по пути прогресса русский великан. Русска литература засият созвіздием такых имен, як Радищев, Державин, Пушкин, Лермонтов, Грибоедов, Крылов, Гоголь, Тургенев, Достоевский. Самобытну русску науку, живопись, музыку той епохы прославят Ломоносов, Лобачевский, Козаков, Баженов, Александр Иванов, Глинка.

Вся тота мощь, всьо тото величие Российской империи творилися силами и трудами русского народа.

Русскы селяне в солдатскых мундирах били шведов под Полтавом и французов на Бородинском полі и Березині. Тоты самы селяне кормили державу, строили єй городы и дворцы, вырабляли товары для внутренной и заграничной торговли.

Но сам русский народ изнывал под гнетом поміщиков; он мучился под тягаром державных податков; он задыхался в темноті и бесправию. Однако николи не переставал любити Отчизну; єй землю он поил своим потом; за єй независимость проливал свою кровь; єй силу и величие славил в своих сказаниях и піснях.

Чужа народу державна власть не способна была опертися на його силы, дати им простор, направити их на дальше розвитие политичной и господарской силы России.

Крымска война роскрыла тото дуже ясно. По поражкі при Севастополі Российска империя постепенно утрачує своє попередне могущество. Она переходит на роль секунданта сильнійшых европейскых держав. Она становится покорным платничым процентов от заграничных пожичок. Она достарчат пушечне мясо для своих “союзников”. Без огляду на воинску доблесть русского народа, она приводит го к поражкам в войнах с империалистами Японии и Германии. Таку росплату за преступления самодержавного режима народу русскому пришлося нести ище понад пол віка послі севастопольского розгрома.

Велика Октябрьска социалистична революция змела гнилый буржуазно-поміщичий режим. Народны массы, повставшы под руководством большевиков, завоювали собі свободу. Власть в державі перешла в рукы робочого класса. Земля стала достоянием селян; фабрикы, заводы, желізны дорогы, банкы — власностью народа. Тот народ под знаменем Ленина и Сталина грудью стал на защиту своих завоюваний. Он подавил контрреволюцию в гражданской войні; он розгромил интервенцию заграничных капиталистов; он перемог господарску розруху и заложил основы социалистичного строя.

Творчым силам русского народа открытый был широчайший простор. Почался непрерывный рух Совітской державы по всходячой линии — ку побіді социализма, несучого краині невиданый ище господарский, политичный и культурный росквіт.

Поступный рух России послі Октябрьской революции не представлял собом стихийного процесса. Первый раз в истории людства розвитие великанской державы подчинено было опреділеному плану, нарисованому отповідно принципам той наукы, творцами котрой были Маркс, Енгельс, Ленин, Сталин. Тота наука марксизма-ленинизма роскрыват закономірность историчного розвитая; установлює тоту закономірность, она дає возможность предвидіти дальнійший його ход; наконец, своих носителей она вооружат способностью активно воздіяти на историчный процесс, вносячи в него регулюючи початкы сознательности, организованности и плана.

Корифеи марксистской наукы — Ленин и Сталин, большевистска партия подняли Россию на небывалу высоту. Деревяна, сельска, отстала краина дробновластничого селянства, краина национального бесправия и гнета обернена ними в могучу индустриальну державу, в державу самого передового в світі сельского господарства, в великий союз народов, споєных нерушимом дружбом, свободно и радостно розвиваючых свою культуру.

В Совітской державі мал місце великий взлет народных сил. Попередны условия историчного истнования мішали проявлению бесспредільной мощи народа-великана, сковували його богатырский розмах, — напротив, новый, совітский строй, совітска демократия помагали сказочному росту народного могучества. Уж в прошлом, без огляду на тяжкий гнет правячых классов, народ змог возвеличити русску державу. Яком же силом напитал он свою родну социалистичну державу! Социалистичне преобразование краины, ликвидация експлоататорскых классов створили морально-политичне єдинство народа, тісне сплочение всіх слойов общества на грунті спольности интересов.

Совітска держава по самой природі свойой призвана служити интересам всенародным. Стержнем народной жизни стали широкы державны заданы, в розвязанию котрых народ восходил со ступени на ступень, открываючи для себе все новы горизонты на полі политичного, економичного и культурного строительства.

Николи в истории держава не грала такой прогрессивной роли. Побудована гениальными будовничыми, она входила коренями в героичне прошле, вершином — в беспредільны дали великого будучого. Народ стал правдивым господарем державы: натурально му было старатися о силі и кріпости свойой краины. И наоборот — силом державы вскрывалися жерела народной мощи, розвертувалася неисчерпанаі инициатива масс.

Совітска держава стала гигантскым генератором енергии, движучом историю вольом двохсотмиллионного народа. И стоило фашистскым варварам посягнути на нашу землю, як вся нагромажена в совітском строю сила выбухла ударом блискавицы, поразившой врага.

Встеклый фашистский пес, кинувшийся на Совітску краину, забыл єй прошле, не понял єй днешного, не внял урокам свойой власной истории. Он не доглянул того, што за послідню четверть віка тот народ, и предтым всесвітно прославленый свойой мощью и доблестью, вырос в правдивого великана, тысячкратно умножил свою силу, стал несокрушиным оплотом против всякого покушения на його свободу, независимость и мир.

Невіжественный фашистский ефрейтор не прислухался до голосу тых державных людей Германии, котры все предостерегали свою краину против войны с Россиом. Он недовірил, што, в предвидінию розбойничого нападения империалистов, великий Сталин побудувал в свойой крайні могучу воєнну промышленность, створил Красну Армию — єдине в світі правдиве народне воинство, вооружил єй полководцов свойом гениальном науком побіждати. За всьо. тото и понюс росплату німецкий фашизм.

Поражка германского империализма в ратоборстві с народом-геройом, народом-побідителем была неуникнена. О том с незахвійном певностью сказано было товаришем Сталиным уж в самом початку Отечественной войны. “Розгром німецкых империалистов и их армий неуникненый,” — заявил наш вождь. Иного исхода и быти не могло. Не по плечу гитлеровской Германии и єй помочникам было мірятися с краином Великой Октябрьской социалистичной революции — державом нового типа, побудованом на принципах социализма, правдивой демократии, братской дружбы населяюцых єй народов.

Фашистска Германия несла людству рабство, руину и гибель. Тото поняли свободолюбивы народы, котры в союзі с Красном Армиом поднялися на защиту свого житя, независимости и цивилизации. Німецкий фашизм не выдержал той встрічи. Он поверженный во прах и покрытый вічном ганьбом.

Совітский народ принюс великы жертвы во имя свободы и независимости свойой краины. Он выдержал такы. испытания, котры были бы не под силу даякой державі капиталистичного світа. Потому и торжество наше многы из современников-иностранцев готовы признати чудом. Бесперечно, история не знає другого такого приміра. Но он говорит лем о одном. Народ, який завоювал собі правдиву свободу, народ Ленина и Сталина, народ, руководимый партиом большевиков, построивший социализм, створивший свою Красну Армию, — способный совершите то, што не под силу никому другому.

Побіда наша має величайше историчне значение. Розгром німецкого империализма открыват світу широкий путь свободы и прогресса. Народ-побідитель, народ-герой показал непребориму силу Совітской краины. Як знаменоносец, он веде за собом передове людство.