Дві оккупации Берлина русскими

ПЕРВА ОККУПАЦИЯ (1760 р.)

Друга половина 18-го віка зазначилася кровавыми войнами, якы почала Пруссия. Ледво закончилася война “за австрийске наслідство”, як прусский король Фридрих II (по незнаным причинам называный “Великым” в Германии) почал готовити новы авантюры. В 1752 року тот достойный предок Бисмарка, Вильгельма II и Гитлера написал свой знаный твор “Политичны сны”.

Руком Фридриха был нарисованый широкий план росширения и захвата земель в Европі. Семилітня Война (1756—1763) была первым кроком для його выполнения. В 1756 року Фридрих II напал на Саксонию, маленьке, майже безборонне королевство. Послі неровной борьбы Саксония и єй союзница Австрия были побіждены пруссаками. Такы дешевы побіды были широко використаны прусскыми “юнкерами” для саморекламы и створения легенды о “непобідимой прусской армии”. Пруссаки ширили по цілой Европі слухы о храбрости и надзвычайном вытренованию прусскых солдатов, а так само о “великом воєнном гению Фридриху II."

В 1756 року Россия объявила войну Пруссии, в обороні Австрии и Саксонии, и русскы войска вошли в Восточну Пруссию.

В наступны рокы, гордость прусской воєнной кликы была выставлена на тяжкы удары. В битві под Гросс-Егерсдорфом 13 августа 1757 року вияснилося абсолютне превосходство русскых генералов и солдатов: друга прусска армия была розбита на голову. На початку 1758-го року русскы заняли Кенигсберг. Наступна велика поражка была нанесена войскам Фридриха II в знаменитой битві под Куннерсдорфом (12 августа 1759р.). Прусскы силы были майже знищены, а, сам Фридрих лем чудом спасся от пліна. Капелюх, страченый ним в часі утечкы, до сего часу хранится в одном из русскых музейов. Послі того русскы войска почали посуватися ку Берлину, преслідуючи остатки пруссаков. 28 сентября 1760 року русский авангард под начальством Чернышева занял позиции коло Берлина, готовячись до штурма, назначенного на 9 октября. Однако, прусскы войска покинули Берлин без боя, оставивши лем одного генерала, для передания акта о капитуляции и ключей Берлина.

Русскы войска заняли Берлин в тот сам день, и русскы офицеры проходили по галям палаца, в котром Фридрих II ище недавно кувал свои планы о росширению в Европі. Меж иншыми річами, была найдена отрова, приготовлена для него придворным лікарем, на случай пліна. Прусский король Фридрих великий для німцов, оказался малым для русскых солдатов.

Русскы войска заняли Берлин без особливых выпадков, показуючи дисциплину и корректность, присущу нашым солдатам. Не убивали женщин и дітей. Не было грабежей, нищения в нияком виді. Не была пролята невинна кров, не было ни стонов, ни слез.

Город Берлин заплатил умірковану контрибуцию в 1,500,000 талеров, были публично укараны журналисты, якы ширили клевету о России, и тым закончилася карательна часть оккупации.

Ключи Берлина осталися в России, як символична пересторога будучым німецкым поколінням.

ДРУГА ОККУПАЦИЯ БЕРЛИНА (1813р.)

Послі поражкы Пруссии Наполеоном Берлин был занятый французами (12 октября 1806 р.) и держаный ними до февраля 1813 року, т. є. за час 6 роков и 5 місяцов.

В февралі 1813 року остатки бывшой “Великой Армии” Наполеона, знищеной в России, всього около 11,000 солдатов, под начальством вице-короля, отступили на ріку Одру в Пруссии, и росположилися во Франкфурті, Кроссені и Глогау. Гарнизон Берлина складался из французских войск Грессине и виртемберской піхоты под командом маршала Ожеро. Узнавши о приближению русскых, вице-король поспішил усилити гарнизон Берлина всіми свободными частями.

Русскы силы были розділены на дві колонны: права колонна рушила на Берлин, ліва на Дрезден. 

Права колонна на челі с генерал-майором князем Репниным приблизилася ку Берлину 20-го февраля. Войска французского вице-короля поспішно отступили за Ельбу. В тот самый день русский авангард вошол в Берлин.

27-0 февраля 1813 року отбылся триумфальный вход русскых войск, якы прошли церемониальным маршом по улицам Берлина, под кликы и овации населения, витавшого их, як освободителей Пруссии и Европы.

Пруссия, так горда на свой перехваленый воєнный талант, на ділі была рабскы подчинена французской палкі за час 6 и пол рока, и змогла освободитися лем завдякы России.

“Воєнный гений” Фридриха II, и другий “воєнный гений” Наполеона были побіждены ище большым гением — русского народа, котрого величие скрыватся за великодушием и скромностью ище непонятными в остальном світі.

BerOccEnd

[BACK]