Ніт в світі рікы, яка несла бы в океан таку массу воды, як несе ріка Амазонка, што проплыват поперек Южной Америкы. Она начинатся в горах Андах и на отдалении 1000 километров тече з Анд по горскых ущелинах и потом вступат на ровнину.

Заледво Амазонка приняла первы свои притоны, она робится ширша от рікы Волгы, а тымчасом она має ище течи 450 километров и соєдинитися с многыми иншыми ріками.

Нарешті под самым екватором Амазонка росширятся в ціле море и вливат в Атлантик так много воды, што на 500 километров от єй в иву в море, далеко в морі, можна видіти коломутны річны фалі.

Ровнины Амазонкы жаркы и вогкы. То природна теплица величины ледво не в Европу. Але тота огромна ровнина мало ище знана людям. Проникнути в тоту теплицу майже неможливо по той причині, што она вся заросла густыми болотными лісами. Ліс складатся з высокых, як колонны, дерев, дуже грубых. Пару людей, взявшися за рукы, ледво можут обняти в приземку єдно таке дерею. А всі дерева разных пород: або з великыми с оряными блисчачыми листками, або з дробными ци пірястыми.

Лияны грубы и долгы, як морскы канаты, обвивают грубы дерева. Всьо то сплелося, перепутало в таку гущавину, через котру неможливо продертися, аж треба прорубувати дорогу со иром.

Штобы хотя сколько-небудь ознайомитися с природом тых лісов, мы наняли великий човен и с проводниками индийцами пустилися вниз по Амазонкі на пару сот километров.

Вчас рано воздух над ріком свіжий и холоднуватый. З блисчачого листя величезных дерев и з даху нашого плаваючого будиночка капат ночна роса, якбы через ноч они были змочены дощом. Лем зрідка повіват слабенький вітрик. Ріка гладенька, як зеркало.

Помалы в лісі починатся бурне житя. Табуны качок звітаются на гладку воду, совсім не боятся людей. Цілы хмары чорноголовых чайок с криком кружат над ріком. До берега подходят олені и дикы козы, а шелест в густой гущавині говорит о присутности малп. Незамітны в гущавині папугы разных видов сідают на плодоносны галузкы дерев и тогды градом сыплются вниз лузга и ягоды. Весь ліс наполнятся голосным стуком разнобарвных дятлей (жолн). Часами з лісной глушины, где земля вогнійша, роздаєся шум, якбы отряд кавалерии приближался быстрым галопом. То стадо водосвинок допче вогку землю, выганяючи з ней хробов и мух.

В лісах Амазонкы, в водах, воздухі — кипит житя. Правда, в темной глубині ліса коло кореньов дерев мало животных, але верхы дерев, якы купаются в солнечном світлі, обліплены инсектами и птахами.

В том царстві лиян (виючыхся рослин) звіры пользуются рослинными канатами, штобы взрапатися поближе солнца и свіжого воздуха. Большинство амазонскых звірей пристосовано до житя на деревах. Там начисляют тридцет осем видов малп, з якых всі лазуны, всі з долгыми и чепкыми хвостами, што допомагают роботі штырох рук. Амазонский медвідь тоже спрытно взбератся на дерева. Муряноіды, лінивцы, разны виды білок (вевюрок) майже не спускаются на землю. Треба додати до того, што много змій и иншых ползунов жиют лем на деревах. Коли величезный удав (уж дуситель) обвиєся наоколо суков и дримат нерухомо, його трудно отрижнити от лияны.

Але головне царство деревных верхов становлят птахы и мухы. Меж мухами єст много такых, сильне розмножение якых стає згубным. Так ночны москиты и денны мухы “піум” ділают даякы островы Амазонкы совсім недоступными — до них страшно и приближатися. Мурянка “сауба” отгрызат кускы листя и несе их в свои долгы подземны коридоры; кофейны плантации часто совсім нищатся ватагами тых розбойников. Друга мурянка — “огненна” — ище страшнійша; трафлялося, што тоты мурянкы примушали утікати цілы села индийцов.

Приближатся полудне. Солнце надто палюче, даже для жителей горячых крайов. Всьо спішит в найгустійшу тінь, много звірины и птаства засыпают. В природі настає спокой, німа тишина. Ниякой хмаркы не видно на небі. Листя величезных дерев блищит под прямовидными лучами солнца, ненарушный спокой панує внизу, где лем зрідка перелітают с квітка на квіток маленькы пташкы колібры або мотылькы. Не видно ни рыб, ни водяных птахов, лем на піщаных намуловых островках лежат величезны крокодилы.

3 настаньом темноты мы остановлямеся дагде коло широкой піщаной намулины, старанно привянуєме човен и укладамеся на ноч. Старамеся выбрати даякий островец (выспу), бо отдаль от лісов и перешкода з воды забеспечуют нам спокой от дикых звіров.

Индийцы наберают дров для ватры, а по дрова итти недалеко: на вершку острова немало дров, принесеного водом. Розложивши огонь, индийцы берутся ловити рыбу. Рыбы подходят сами ку світлу, а индийцы надівают их на списы. Часами налапают черепах, якы выползают на пісок зарывати свои яйца. Отже, вечеря нам приходит даром.

Коли зме повечеряли, индийцы долго хлюпалися в воді, притягли ище дерева на огонь и потом полягали спати єден коло другого под чорным плащем. Спокойне дыхание их указує, што они заснули. Зато не так легко заснути европейцу, зачарованому величавостью и торжественностью незвычайной обстановкы.

Тихо плещут фалі в піщаный берег, и ничий крик не порушує ночной німой тишины. В мертвой тишині чути лем шелест ползучой комахы, и ухо ловит плюск подскакуючой рыбы. И на небі панує такий самый спокой — ни одной хмаркы не видно. Раптом зашумит вдали вода, якбы налетали фалі на фалі, и здаєся якийси дивный рух на середині рікы. Пробудилися индийцы и шепчутся боязливо. Они думают, што даякий величезный водяный змій, даяка потвора робит тот незрозумілый шум.

Ополночи перший раз порушуєся спокой спячого ліса криками животных, и от того часу тоты крикы повторяются от часу до часу. Чым ближе до рана, то и частійше чути тоты крикы. Але незадолго до всходу солнца настає тишина, яка была и на початку ночи. Часами, з невідомой причины, фалювание в світі животных досягат такой силы, што весь ліс наполнятся тысячами розмаитых голосов, зойков и криков. Тота шумлива тревога не замолкає до того часу, покаль не блиснут солнечны лучи, якы розганяют страх.

Басейн Амазонкы занимає площадь понад 7 миллионов квадратных километров и незвычайно богатый на світло, тепло и житя. Грунт незвычайно урожайный, дощов поддостатком, стоит дуже сильна спека. Земля с чудесном силом вырощує всьо, што на ней посіяно. Але ту уже вырастат много дикых рослин, што глушат посівы. Отже потребна постоянна борьба з лісом и густом рослинностьом вилыотного жаркого климата. Потому население в лісах Амазонкы рідке и всі найліпшы місца захвачены иноземными колонистами под плантации. На тых плантациях колонисты примушуют працувати индийцов, як рабов и воєнноплінных. На плантациях працуют тоже негры невольникы, привезены с Африкы.

В лісах по рікі Амазонкі ростут прекрасны каучуковы дерева и какао, якы притігают експлоататоров из крайов Европы. Они примушуют своих рабов зберати в лісі каучуковый сок и плоды какао, з якых выготовляют шоколаду. Робота зберания каучуку и какао дуже тяжка и небеспечна. Дикы звіры и комары задают великы шкоды роботникам, тропична малярия губит людей беспощадно.