ЛЕМКОВСКА ПѢСНЯ.

Лемко голосъ мае, то сой заспѣвае,
Кедь лемко заспѣватъ, то ся гай розвиватъ!
Лемковски въ насъ горы, прекрасны долины
Бо тамъ ся намъ родятъ солодкы малины. . .

По лемковскихъ горахъ красне квѣтя квѣтне,
Не едной дѣвчинѣ до сердця прилипне. . .
Зашумѣли горы, зашумѣли лѣсы,
Де ся мѣ подѣли мои млады часы.

Пишли они, пишли по цѣлому свѣтѣ,
А я зосталъ смутный, Якъ тотъ пташокъ въ клѣтцѣ.
Младость моя мила, якъ скоро минула,
Якъ тота рокита, што въ ярѣ квѣтнула.

Младость моя, младость вышла мѣ на марность,
Мои млады лѣта не ужили свѣта.
Весело младому въ свѣтѣ проживати
Старому, смутному у гробъ зазерати. . . .

Подалъ лосянъ,
Петро Дурда.

Газардъ, Па.